2015年9月2日星期三

芙芙到處逛 - 長洲一遊

長洲,多久沒到這地方來了呢?
對上一次大概已是5年前,次次到長洲,
都離不開吃,吃和吃。

幾個月前,芙芙跟男朋友到了長洲一遊,
還行了一會山,老實說,
芙芙其實一直都不知道,原來長洲有山行。

一到埗,當然要立即醫肚,
男朋友帶芙芙到了一間餐廳,說這裡有很特別的飲品。

因為太肚餓,於是叫了一碟非常飽肚的西炒飯,
雜菜粒和火腿,跟茄汁一起炒的米飯,
濕濕的,有種中學時代午餐的味道。




牛扒繪意粉,充滿茄汁酸咪咪,
牛扒薄薄的,卻也很滿足。



看呀,就是這杯特飲,
大名鼎鼎的檸橙特飲,是加了檸檬的橙汁,
大大杯,解暑一流!



平日來逛長洲,人煙少一點,
空氣也清新一點,休休閒閒很不錯。



從來沒有到過長洲的這一邊,原來風景這麼美。



這張全景圖,真的好喜歡。



出發行山,芙芙在天后亭偷吃冰菠蘿,
天時暑熱,不吃點冰冰的會很難受。



芙芙很有傻勁的行山,在拍這張歡樂笑容的相片時,
仍未知道要越過前面的大岩石,否則不會笑得如此歡樂。



要行這座山,先要越過與海為伴的大岩石,
芙芙很想選擇走下路,但又很怕濕腳,
於是在男朋友多番鼓勵後,就跟他一同攀起岩石來。


真的十分恐怖,芙芙是一個極度膽小的人,
岩石不算高,但芙芙也嚇得要命,
自知平衡力不太好,所以很怕失足跌下去。

攀完岩石後,終於看到更美麗的景色,
可是芙芙當時已經腿軟,說真的真是腿軟,
連這道欄杆芙芙也不願跨出,就讓男朋友跨出去拍拍照吧。


由於太腿軟的關係,芙芙只好坐在一旁拉筋,
因為回程要再攀石,想到都十級冒汗。



沿路都看到許多大石,都是天然的。



幸好回程時仍未潮脹,所以芙芙選擇走下路,
在沒有濕腳的情況下,成功避過再次攀岩石,
yeah,再送大家一張超美相片。



搭船前再到處閒晃,看到曬太陽中的蝦乾,
蝦香味撲鼻,如果已經成乾,
芙芙可能會偷一兩條,放入自己口中呢。



平日的長洲,有很多有名的商店都沒開店,
人跡較少,用來感受一下這裡的天然味也不錯呢。


喜歡芙芙little kitchen,一起來加入facebook專頁啦:

14 則留言:

  1. 平日到離島,才能感受寧靜的小島風情呢~~
    行山是很好的活動呢,芙芙多試兩次,膽子應該會越來越大吧^^

    回覆刪除
    回覆
    1. 艾華斯,你講得岩,
      真係平日先會感受到呢份小島風情,週末度度都係人,
      雖然啲鋪頭會開哂,但芙芙情願試少啲嘢食,
      都唔想同人逼,又熱又辛苦呢。

      刪除
  2. 個大岩石位我都攀過呀,沿路我記得好多仙人掌

    回覆刪除
    回覆
    1. Li J,我驚到完全冇望旁邊有乜嘢,
      淨係記得有條鐵鏈,我男朋友話,
      驚可以捉住條鐵鏈,但見到條鐵鏈仲更加驚呀。

      刪除
  3. 岩石的位置好開揚,景觀好正(未去過)
    次次都是吃為主,下次要去看大岩石^^

    回覆刪除
    回覆
    1. 殷師奶,個景觀堅靚架,
      都係因為攀完石腳軟,所以先冇跨出去睇風景,
      你都去睇下啦,幾正架。

      刪除
  4. 芙芙好叻啊, 我見到D岩石都怕怕呢. >.<

    回覆刪除
    回覆
    1. Kwann,芙芙係被逼架,
      一啲都唔叻呀,嚇到腳都軟哂要坐低......

      刪除
  5. 近期好多人都食長洲估芒果糯米滋~搞到我都好想去食吓呢~!

    回覆刪除
    回覆
    1. 黃師奶,而家長洲芒果糯米滋進駐咗市區嘛,
      度度都話有,又真係整到十足十喎,
      芒果大大件,皮又薄真係好味道架,
      你都試下啦,生完可以食no problem~

      刪除
  6. 芙芙自從有了男朋友後,經常有這些健康活動。 原來長洲另一邊的景色係咁靚,多謝芙芙同男朋友提供照片

    回覆刪除
    回覆
    1. cici,哈哈哈哈哈,
      唔駛咁客氣喎,芙芙男朋友係健康運動型男,
      所以芙芙都唔可以企定定唔郁,咪跟佢去呢度去嗰度玩下,
      都好開心呀,其實芙芙都好鍾意周圍走架。

      刪除
  7. 芙芙,早!小高都好耐無入長洲逛逛了,呢排成日聽到人講長洲的美食,令我聽聽都食指大動,現在秋涼了,可以入去逛逛!:D

    回覆刪除
    回覆
    1. 小高,係超多好嘢食,
      而家有檔做bbq嘅,有海鮮食添呀,
      可以order燒扇貝、燒蠔之類,
      不過人多就會好快賣哂,芙芙去到時都冇得買了,
      秋天去行係一個好時候,你同主任都快啲行動啦!

      刪除