2014年8月12日星期二

泰式鳳爪 (附食譜)

芙芙公司對面嘅街市連商場,就快要裝修,
平時芙芙好喜歡到呢個街市買菜,又平又乾淨,
條路又闊,比起公司樓下濕淋淋又多人嘅街市好好多。

而且仲有一間東南亞店,感覺一樣小得嚟乾淨,
一日同事買咗一支泰式汁返嚟,叫芙芙整個泰式鳳爪俾佢哋嘆。



泰式鳳爪 食譜

材料:雞腳1磅、甘筍半條、青瓜半條、唐芹一扎、蔥段及薑片適量
汁料:東南亞店酸辣汁、魚露、糖適量

1. 雞腳剪掉指甲,用水清洗。
2. 燒滾水,加入蔥段及薑片。
3. 加入雞腳一起煮20分鐘,盛起。
4. 雞腳浸於冰水中,放入雪櫃浸水一晚。
5. 青瓜及甘筍刨成幼條,唐芹切成幼條備用。
6. 將汁料混合,試味後加入所有材料即可。


這個泰式汁亦可自己調較,
汁料可用青檸、辣椒粒、魚露及糖調出,
在東南亞店購買則可品嚐另一種辣勁,大家可以自行選擇啦。


雞腳浸冰水雪一晚,便會發脹,
咬下會爽口,而且雞骨一啪就可去掉。


10 則留言:

  1. 你一定整得好好味,不過我唔食雞腳呢。。

    回覆刪除
    回覆
    1. Li J,今次芙芙好懶,
      都冇自製泰式汁,用即買嘅汁嚟整,
      原來你唔食雞腳架,真係可惜呀~

      刪除
  2. 我好喜愛泰式鳳爪架,不過袁生唔多好,所以平時都好少整,如果去埋骨就完美了

    回覆刪除
    回覆
    1. 袁太,芙芙都好喜愛架,
      有時食太多會俾爸媽勸喻,芙芙一食就停唔到啦~

      刪除
  3. 雞腳正!小高愛吃呀 ~ 小高媽更甚!:D

    回覆刪除
    回覆
    1. 小高,芙芙同芙爸都係好喜歡食架!
      其實呢個爽口雞腳技巧係芙爸教芙芙架,芙爸以前係大廚,
      有時芙芙唔明點整時,都會問下芙爸架~

      刪除
  4. 回覆
    1. cici,芙芙都超like泰國菜,
      酸咪咪辣辣哋好正,地唔地道都愛吃。

      刪除